Official Thread ♥∞∞ MUTHUGAVU ∞∞♥ Gokul Suresh Gopi - Arthana Vijayakumar - Friday Films !!!

Thread owner

 

Jomon Thiru
മുത്തുഗൗ » A RETROSPECT
✦'മുത്തുഗൗ' എന്ന വാക്ക്* കേൾക്കുന്ന ഏതൊരു മലയാളിയുടേയും മനസ്സിലേക്ക്* ആദ്യം ഓടിയെത്തുന്നത്*, 'തേന്മാവിൻ കൊമ്പത്തി'ലെ മാണിക്യനും കാർത്തുമ്പിയും തമ്മിലുള്ള രസകരമായ രംഗങ്ങളായിരിക്കും. ഈ വാക്കിന്റെ അർത്ഥം കണ്ടുപിടിക്കുവാനുള്ള ശ്രമത്തിനിടയിൽ, മാണിക്യനെ കെട്ടിയിടുന്നതടക്കമുള്ള രംഗങ്ങൾ, ഒരുകാലത്ത്* നമ്മെ ഏറെ ചിരിപ്പിച്ചിട്ടുള്ളതാണ്*.
■'മുത്തുഗൗ' എന്ന പേരിൽ, ഇന്നേദിവസം പുറത്തിറങ്ങിയ ചിത്രം, ഗോകുല്* സുരേഷ്* എന്ന പുതുമുഖ നടന്റെ അരങ്ങേറ്റമാണ്. 'താരപുത്രൻ' എന്ന കാഴ്ചപ്പാട്* ഇല്ലാത്തതിനാൽ, ഒരുപറ്റം യുവാക്കളുടെ ശ്രമമായ ഈ ചിത്രം, അമിതപ്രതീക്ഷകൾ ഇല്ലാതെതന്നെ ആദ്യഷോ കാണുവാൻ ഞാൻ തീരുമാനിച്ചു.
»SYNOPSIS
■131മിനിറ്റുകൾ ദൈർഘ്യമുള്ള ഈ ചിത്രം എഞ്ചിനീയറിംഗ്* വിദ്യാർത്ഥിയായ ഭരതിന്റെ കഥയാണ്*. ചെറുപ്രായം മുതലേ, ഭരതിന്* ടെൻഷനുണ്ടായാൽ അത്* മാറണമെങ്കിൽ, അമ്മയെ ചുംബിക്കണം. വളർന്നു വലുതായപ്പോൾ ഭരതിന്റെ ഈ സ്വഭാവം മുഖേന അവൻ അഭിമുഖീകരിക്കേണ്ടിവന്ന ചെറുതും വലുതുമായ പ്രശ്നങ്ങളാണ്* ചിത്രത്തിന്റെ ഇതിവൃത്തം.
��CAST & PERFORMANCES
■എഞ്ചിനീയറിംഗ്* വിദ്യാർത്ഥിയായ ഭരത്* എന്ന കഥാപാത്രമായാണ്* ഗോകുൽ സുരേഷ്* ചിത്രത്തിൽ പ്രത്യക്ഷപ്പെട്ടത്*. തുടക്കക്കാരൻ എന്ന നിലയിലുള്ള പതർച്ച തീരെയില്ലായിരുന്നെങ്കിലും, ഡയലോഗ്* പ്രസന്റേഷൻ ബോറായിരുന്നു.
■ഗംഗ എന്ന നായികാകഥാപാത്രമായി എത്തുന്നത് നടൻ വിജയകുമാറിന്റ മകള്* അര്*ഥനയാണ്. ആദ്യം അനുപമ പരമേശ്വരനേയും പിന്നീട് അഹാന കൃഷ്ണകുമാറിനെയും പരിഗണിച്ചശേഷം, ഒടുവിൽ അർത്ഥനയിലേക്ക്* എത്തുകയായിരുന്നു. മിക്കരംഗങ്ങളിലും അസ്വാഭാവികത തോന്നിയിരുന്നു.
■രാമകൃഷ്ണൻ ബോണക്കാട്* അഥവാ, റാമ്പോ എന്ന കൊടും ഭീകരനായി, ചിത്രത്തിന്റെ നിർമ്മാതാവുകൂടിയായ വിജയ്* ബാബു വേഷമിട്ടു. അവതാരപ്പിറവികളുടെ മുഴുവൻ രൗദ്രഭാവങ്ങളും ആവാഹിച്ചുകൊണ്ട്*, അദ്ദേഹം തന്റെ വേഷം തകർത്തു. സ്റ്റേജിൽ ചിയാൻ വിക്രത്തെ ആലിംഗനം ചെയ്യുവാനായി ഓടിവന്ന യുവാവിനെ നോക്കുന്ന അതേ ദേഷ്യവും ഈർഷ്യയും പുഛവും ആ മുഖത്ത്* വീണ്ടും ദർശിക്കുവാൻ കഴിഞ്ഞു.
■ഷെട്ടി എന്ന പലിശക്കാരനായി സുനിൽ സുഖദയും, കുമാരി, പുത്തരി എന്നീ വാടകഗുണ്ടകളായി ഹരീഷ്* കെ.ആർ, സൗബിൻ ഷാഹിർ എന്നിവരും അഭിനയിച്ചു. ഈ മൂന്നുപേർ എപ്പോൾ വാ തുറന്നോ അപ്പോഴെല്ലാം കോമഡിയായിരുന്നു.
■സന്തോഷ്* കീഴാറ്റൂർ അബു സലിം, ബൈജു, അനിൽ മുരളി, അരുൺ, ഇന്ദ്രൻസ്*, അജു വർഗ്ഗീസ്* പ്രേം കുമാർ എന്നിവരാണ്* മറ്റ്* അഭിനേതാക്കൾ
����MUSIC & ORIGINAL SCORES
■യുവ സംഗീത സംവിധായകരിൽ ശ്രദ്ധേയനായ രാഹുൽ രാജാണ്* ചിത്രത്തിന്* സംഗീതം നൽകിയത്*. ശരാശരിനിലവാരമുള്ള പാട്ടുകളായിരുന്നെങ്കിലും, പശ്ചാത്തലസംഗീതം ഗംഭീരമായിരുന്നു. "ദേവദൂതർ പാടി" എന്ന പഴയഗാനം പശ്ചാത്തലത്തിൽ കേട്ടത്* നല്ല അനുഭവമായിരുന്നു.
»OVERALL VIEW
■വ്യത്യസ്ഥതയുള്ള, എന്നാൽ യാഥാർത്ഥ്യവുമായി ഒട്ടിനിന്നു എന്ന് പറയുവാൻ കഴിയാത്ത കഥ, കഥയുടെ ആവർത്തനത്തെ മറച്ചുവച്ചതും, താരതമ്യേന മെച്ചപ്പെട്ടതുമായ തിരക്കഥ, ഏറെക്കുറെ മികച്ച സംഭാഷണം, ബോറടിക്കാതെ, പ്രേക്ഷകനെ പിടിച്ചിരുത്തും വിധമുള്ള ആവിഷ്കാരം.
■നായകകഥാപാത്രത്തിന്റെ ജനനം, വിദ്യാഭ്യാസം, സൗഹൃദം, പ്രണയം, വില്ലന്റെ ആഗമനം എന്നിവയുൾപ്പെടെ, അതീവ രസകരമായ രംഗങ്ങളുൾപ്പെട്ട ആദ്യപകുതിക്കൊടുവിൽ ഒരു ട്വിസ്റ്റും, ചിലയിടങ്ങളിൽ കല്ലുകടി അനുഭവപ്പെട്ടെങ്കിലും, ബോറടിക്കാതെ തന്നെ മുൻപോട്ടുപോയ രണ്ടാം പകുതിയും, സന്ദർഭവുമായി ഒത്തുനോക്കുമ്പോൾ തൃപ്തികരമായ ക്ലൈമാക്സും.
■വില്ലൻ കഥാപാത്രത്തിന്റെ പ്രതികാരം, നായകന്റെ പ്രണയം, എന്നീ രണ്ടു തലങ്ങളിൽ ആരംഭിച്ച, രണ്ടുകഥകളുടെ കൂടിച്ചേരലാണ്* ഈ ചിത്രമെങ്കിലും, പ്രണയരംഗങ്ങൾ ലവലേശം തൃപ്തി നൽകുന്നില്ല. തന്റെ വികലമായ സ്വഭാവവിശേഷത നായകൻ തിരിച്ചറിയുന്ന രംഗം, ഏറ്റുപറച്ചിൽ തുടങ്ങിയവ ക്ലീഷേ ആയിത്തോന്നി.
■നർമ്മത്തിന്* പ്രാധാന്യം കൊടുത്തുകൊണ്ടുള്ള ഈ ചിത്രത്തിൽ, നായികാനായകന്മാർ തമ്മിലുള്ള സംഭാഷണരംഗങ്ങൾ ഷോർട്ട്* ഫിലിമുകളെ ഓർമ്മിപ്പിച്ചു. ക്ലൈമാക്സിനോടടുത്തപ്പോൾ, കോഫി ഷോപ്പിൽ പ്രതിയോഗികൾക്കൊപ്പമിരുന്നുകൊണ്ടുള്ള അവരുടെ രംഗങ്ങൾ കൃത്രിമത്വം നിഴലിച്ചതായിരുന്നു.
■എന്നിരുന്നാലും, മേക്കിംഗിലുള്ള ഫ്രഷ്നെസ്സ്*, ചിത്രത്തെ ഒരു കണ്ടിരിക്കാവുന്ന ചിത്രമായിത്തീർത്തിരിക്കുന്നു. ഗൗരവം നിറഞ്ഞ കഥയില്ലാതെ, ലോജിക്കിനേക്കുറിച്ച്* ചിന്തിക്കാതെ, ആദ്യന്തം ആസ്വദിച്ചിരുന്നുകാണാവുന്ന ഒരു ചിത്രമെന്ന നിലയിൽ മുത്തുഗൗ ശ്രദ്ധേയമാണ്*.
■നടൻ ഗോകുൽ ഒരിക്കൽ ഒരു ഇന്റർവ്യൂയിൽ പറഞ്ഞു; "സുരേഷ് ഗോപിയുമായി എന്നെ ആളുകള്* താരതമ്യം ചെയ്യുമോ എന്ന പേടി എനിക്കുണ്ട്*, ആരും എന്നിൽ അമിത പ്രതീക്ഷ വച്ചുപുലർത്തരുത്*. ആരുടെ മകനായാലും ഞാന്* മറ്റൊരു വ്യക്തിയാണ്.." -ഇപ്പറഞ്ഞത്* അക്ഷരംപ്രതി ഉൾക്കൊണ്ടുകൊണ്ട്*, ഒരു താരപുത്രന്റെ ആഗമനം പ്രതീക്ഷിക്കാതെ, പ്രത്യേകിച്ച്* കഥയോ ട്വിസ്റ്റുകളോ കാംക്ഷിക്കാതെ, കോമഡി ചിത്രം എന്ന രീതിയിൽ സമീപിക്കുകയാണെങ്കിൽ, മുത്തുഗൗ നിങ്ങൾക്ക്* തൃപ്തിനൽകും.
»MY RATING: ★★★☆☆
‪#‎jomon_thiru‬ » click here:https://goo.gl/O2l2NM
➟വാൽക്കഷണം:
■"ഇത്* നിങ്ങളിൽ ഒരാൾ ചെയ്ത നിങ്ങളുടെ സിനിമ.. ഞങ്ങൾ അവതരിപ്പിക്കുന്ന ഏഴാമത്തെ നവാഗത സംവിധായകൻ..വിപിന്* ദാസ്*.." ചിത്രം തുടങ്ങും മുൻപ്* സ്ക്രീനിൽ ഇങ്ങനെ എഴുതിക്കാണിച്ചിരുന്നു. നവാഗതർക്ക്* അവസരങ്ങൾ കൊടുക്കുന്നതിൽ, ഈ നിർമ്മാതാക്കൾ കാണിക്കുന്ന താത്പര്യം, അല്ലെങ്കിൽ സിനിമാമോഹവുമായി നടക്കുന്ന നമ്മേപ്പോലുള്ളവർക്ക്* ഇവർ നൽകുന്ന പരിഗണന ശ്ലാഘനീയമാണ്*. ഇക്കാര്യത്തിൽ, നിർമ്മാതാക്കളായ വിജയ്* ബാബു, സാന്ദ്ര തോമസ്* എന്നിവർ പ്രത്യേക പ്രശംസ അർഹിക്കുന്നു.

 

Interval... Avg... Chila scenes bore... N thattikoot anu

Sg son kuzhapam onnumilla.. Alude scenesum...

Bgm kidilan.... Interval block tharakedilla....

 

Friday filmsine black listil ketiii...

 

apol ithum pratheekshikan illalle.

 

Second half padathe rakshappeduthum ennu kettu

Its Vijay Babu-Soubin-Hareesh- Sunil Sughada show

 

pande ketande ayirunnu.u r late.

 

Friday allelum,,,almost ellam oru kkpp line aanu