സത്യന്‍ അന്തിക്കാടിന്റെ മകന്‍ അനൂപ് സത്യന്‍ ഒരുക്കുന്ന സിനിമയില്‍ ദുല്‍ഖര്‍ സല്‍മാന്‍ നായകന്‍. ദേശീയ ശ്രദ്ധ നേടിയ ഹ്രസ്വചിത്രങ്ങളൊരുക്കിയ അനൂപ് സത്യന്‍ ലാല്‍ ജോസിന്റെ കീഴില്‍ സഹ സംവിധായകനാണ്. ബോബി-സഞ്ജയ് ആണ് അനൂപ് സത്യന്റെ അരങ്ങേറ്റ ചിത്രത്തിന് തിരക്കഥയൊരുക്കുന്നത്. അയാളും ഞാനും തമ്മില്‍ എന്ന ചിത്രത്തിന് ശേഷം പ്രകാശ് മുവീ ടോണിന്റെ ബാനറില്‍ പ്രേം പ്രകാശ് നിര്‍മ്മിക്കുന്ന ചിത്രവുമാണിത്. ഏഴ് സുന്ദരരാത്രികള്‍, വിക്രമാദിത്യന്‍, നീന എന്നീ ചിത്രങ്ങളില്‍ സഹസംവിധായകനായിരുന്നു അനൂപ്. എ ഡ്രീം കോള്‍ഡ് അമേരിക്ക എന്ന പേരില്‍ അനൂപ് സത്യന്‍ ഒരുക്കിയ ഡോക്യുമെന്ററിക്ക് നിരവധി രാജ്യാനന്തര പുരസ്‌കാരങ്ങള്‍ ലഭിച്ചിരുന്നു. ഐഎഫ്എഫ്‌ഐ, മുംബൈ ഫിലിം ഫെസ്റ്റിവല്‍ എന്നിവിടങ്ങില്‍ ഡോക്യുമെന്ററി പ്രദര്‍ശിപ്പിച്ചിരുന്നു.
