Reelz Exclusive Pramukha Kidnap - Case At Last Stage !!!

നടി അക്രമിക്കപ്പെട്ട കേസില്‍ ജയിലില്‍ കഴിയുന്ന നടന്‍ ദിലീപിന് പിന്തുണ പ്രഖ്യാപിക്കുന്ന സിനിമാ പ്രവര്‍ത്തകര്‍ക്കെതിരെ നടി സജിതാ മഠത്തിലിന്റെ ഫെയ്സ്ബുക്ക് പോസ്റ്റ്. ചിലത് പറയാതിരിക്കാനാവില്ലെന്ന വാചകത്തോടെയാണ് ഫെയ്സ്ബുക്ക് കുറിപ്പ് ആരംഭിക്കുന്നത്. താൻ നടിക്ക് ഒപ്പമാണ് എന്നതിന്റെ അർത്ഥം ആരെയെങ്കിലും കുറ്റക്കാരനായി കാണുന്നു എന്നല്ല. ബിസിനസ്സ് ബന്ധങ്ങളും സൗഹൃദവുമുള്ളത് കൊണ്ടാകാം സിനിമാ പ്രവര്‍ത്തകര്‍ കുറ്റാരോപിതന് പിന്തുണ പ്രഖ്യാപിക്കുന്നത്. ഗൗരി ലങ്കേഷിന്റെ കൊലപാതകത്തിൽ പ്രതികരിച്ച പ്രകാശ് രാജിന്റെ നിലപാടുകളുടെ ആർജ്ജവമൊന്നും ഈ സിനിമാ പ്രവര്‍ത്തകരില്‍ നിന്നും താന്‍ പ്രതീക്ഷിക്കുന്നില്ലെന്നും സജിതാ പറയുന്നു.

സജിതാ മഠത്തിലിന്റെ ഫെയ്സ്ബുക്ക് കുറിപ്പ്

ചിലത് പറയാതിരിക്കാനാവില്ല.

ഞാൻ അവൾക്ക് ഒപ്പമാണ് എന്നതിന്റെ അർത്ഥം ഞാൻ ആരെയെങ്കിലും കുറ്റക്കാരനായി കാണുന്നു എന്നതല്ല. അത് പോലീസും കോടതിയുമാണ് തീരുമാനിക്കേണ്ടത്. ചിലർ കുറ്റ ആരോപിതരായി നമ്മുടെ മുമ്പിലുണ്ട്. കോടതിയും, പോലീസും, പണത്തിന്റയും പ്രശസ്തിയുടെയും സ്വാധീനത്തിൽ പെടാതെ കാക്കാൻ നമുക്ക് ഒരു ഗവൺമെന്റും അവൾക്ക് ഒപ്പം നിൽക്കുന്നവരും ജാഗ്രത പുലർത്തുന്നുമുണ്ട്. സിനിമയുടെ ഭൂരിപക്ഷ ആൺലോകം കരുതുന്നതു പോലെ കുറ്റ ആരോപിതർ നിഷ്കളങ്കരായിരിക്കാം, അല്ലെങ്കിൽ ഔദാര്യം പറ്റിയതു കൊണ്ടും ബിസിനസ്സ് ബന്ധങ്ങൾ ഉള്ളതുകൊണ്ടും സൗഹൃദം ഉള്ളതുകൊണ്ടും അങ്ങിനെയാവണമെ എന്നു നിങ്ങൾക്ക് പ്രാർത്ഥിക്കാം.അതാണു സത്യമെന്ന് വിശ്വസിക്കാം.

എനിക്ക് കൺമുമ്പിൽ സത്യമായി ഉള്ളത് ഒന്നു മാത്രം, അത് അവൾ പീഡിപ്പിക്കപ്പെട്ടു എന്നതു മാത്രമാണ്. ആ സത്യത്തെ കാണാതെ മറ്റൊന്നിനു പുറകെയും പോകാൻ ആവില്ല. അസുഖകരമായ ഓർമ്മകളെ നെഞ്ചിൽ നിന്നു തള്ളിമാറ്റി പതുക്കെ മുന്നോട്ടു നീങ്ങാൻ അവൾ നടത്തുന്ന കൈകാലിട്ടടിക്കൽ കാണാൻ നിങ്ങൾക്ക് ഒരു നന്മയുള്ള ഹൃദയമുണ്ടായാൽ മാത്രം മതി. എളുപ്പമല്ല ഒരു സ്ത്രീക്ക് ഈ ധൈര്യം കാണിക്കാൻ എന്നു മനസ്സിലാക്കാൻ തങ്ങളുടെ ചുറ്റുമുള്ള സ്ത്രീകളോട് ചോദിച്ചാൽ മാത്രം മതി.
അവളാണ് നമ്മുടെ മുമ്പിലുള്ള സത്യം, ആ സത്യത്തെ അവഗണിക്കുകയും പരിഹസിക്കുകയുമാണ് ഈ ആൺ സിനിമാ ലോകം ചെയ്യുന്നത്. ഗൗരി ലങ്കേഷിന്റെ കൊലപാതകത്തിൽ പ്രകാശ് രാജിനെ പോലുള്ള നടന്റെ നിലപാടിന്റെ ആർജ്ജവമൊന്നും ഞാൻ നിങ്ങളിൽ നിന്നു പ്രതീക്ഷിക്കുന്നില്ല. പക്ഷെ കേസ് തെളിയിക്കാനും സത്യം പുറത്തു കൊണ്ടുവരാനും നിങ്ങൾ യഥാർത്ഥത്തിൽ ആഗ്രഹിക്കുന്നുണ്ടെങ്കിൽ നിങ്ങൾക്ക് അവൾക്കൊപ്പം നിന്നേ പറ്റൂ. കാരണം പീഡിപ്പിക്കപ്പെട്ടു എന്നത് ഒരു സത്യമാണ് എന്നതുകൊണ്ട് ! ഒരു പെണ്ണിനും താങ്ങാനാത്ത സത്യം.

 

നടന്‍ ശ്രീനിവാസന്റെ വീടിന് നേരെ കരിഓയില്‍ പ്രയോഗം. കണ്ണൂര്‍ കൂത്തുപറമ്പ് പൂക്കോടുള്ള വീടിന്റെ ഭിത്തിയിലും ഗെയ്റ്റിലും മുറ്റത്തുമെല്ലാമാണ് കരിഓയില്‍ ഒഴിച്ചിരിക്കുന്നതായി ഇന്ന് രാവിലെ ശ്രദ്ധയില്‍പ്പെട്ടത്. നടി അക്രമിക്കപ്പെട്ട സംഭവത്തിലെ ഗൂഢാലോചനാ കേസില്‍ പൊലീസ് റിമാന്റിലുള്ള നടന്‍ ദിലീപിനെ അനുകൂലിച്ച് ശ്രീനിവാസന്‍ പലതവണ രംഗത്തെത്തിയിരുന്നു. ഇത്തരത്തില്‍ അദ്ദേഹത്തിന്റെ ഭാഗത്തുനിന്ന് ഇന്നലെയും പ്രസ്താവനയുണ്ടായി. കരിഓയില്‍ പ്രയോഗത്തിന് കാരണം അതാണോ എന്നാണ് പൊലീസ് പരിശോധിക്കുന്നത്.

ദിലീപ് തെറ്റ് ചെയ്തിട്ടില്ലെന്ന് ഉറച്ചുവിശ്വസിക്കുന്നുവെന്നും അത്തരം മണ്ടത്തരങ്ങള്‍ കാണിക്കുന്ന ആളല്ല ദിലീപെന്നുമാണ് ശ്രീനിവാസന്‍ ഇന്നലെ അഭിപ്രായപ്പെട്ടത്. ദിലീപിന്റെ നിരപരാധിത്വം കാലം തെളിയിക്കുമെന്നും അദ്ദേഹം കൂട്ടിച്ചേര്‍ത്തു. സാമാന്യബുദ്ധിയുള്ള ആളാണ് ദിലീപെന്നും നടി അക്രമിക്കപ്പെട്ട സംഭവത്തില്‍ സത്യമറിയുംമുന്‍പ് ആരുടെമേലും കുറ്റം കെട്ടിവയ്ക്കുന്നത് ശരിയല്ലെന്നും ശ്രീനിവാസന്‍ നേരത്തേ അഭിപ്രായപ്പെട്ടിരുന്നു.

കണ്ണൂരിലെ അക്രമരാഷ്ട്രീയത്തിനെതിരായും ശ്രീനിവാസന്‍ മുന്‍പ് പലതവണ സംസാരിച്ചിട്ടുണ്ട്. കരിഓയില്‍ ആക്രമണത്തിന്റെ കാരണം എന്താണെന്ന് പരിശോധിക്കുകയാണ് പൊലീസ്. കതിരൂര്‍ പൊലീസിനാണ് അന്വേഷണച്ചുമതല. കാത്തുപറമ്പ് പൂക്കോട് ഇരുപത് വര്‍ഷത്തോളമായി ശ്രീനിവാസന് വീടുണ്ട്. പക്ഷേ ഇപ്പോള്‍ സൂക്ഷിപ്പുകാരന്‍ മാത്രമാണ് അവിടെ താമസം.

 

നടിയെ ആക്രമിച്ച കേസില്‍ പ്രതി ചേര്‍ക്കപ്പെട്ട്, നടന്‍ ദിലീപ് അറസ്റ്റ് ചെയ്യപ്പെട്ടതിന് പിന്നാലെ ചലച്ചിത്രമേഖല ഒന്നടങ്കം താരത്തെ തള്ളിപ്പറയുന്നതിനാണ് കേരളം സാക്ഷിയായത്. അറസ്റ്റിന് പിറ്റേന്നാള്‍ ദിലീപ് അംഗമായ ചലച്ചിത്ര സംഘടകള്‍ ഏതാണ്ടെല്ലാം തന്നെ അടിന്തര യോഗം ചേര്‍ന്ന് താരത്തെ അംഗത്വത്തില്‍ നിന്ന് പുറത്താക്കി. സഹപ്രവര്‍ത്തകയ്ക്ക് നേരെ ക്രൂരമായ ആക്രമണം നടത്തിയ കേസില്‍ പ്രതി ചേര്‍ക്കപ്പെട്ട ആളുമായി സഹകരിക്കാനാകില്ലെന്ന് പലരും ക്യാമറയ്ക്ക് മുന്നില്‍ തുറന്നടിച്ചു. കുറ്റവാളികള്‍ തങ്ങള്‍ക്കൊപ്പമുണ്ടെന്ന് വിശ്വസിച്ചിരുന്നില്ലെന്ന തരത്തിലായിരുന്നു അമ്മയുടെ അടിയന്തര എക്‌സിക്യൂട്ടിവിന് ശേഷം ജനറല്‍ സെക്രട്ടറി മമ്മൂട്ടിയുടെ പ്രതികരണം. ദിലീപിനെ കൈവിടില്ലെന്ന് പ്രഖ്യാപിച്ച അമ്മ യോഗത്തില്‍ മാധ്യമങ്ങളെ നേരിട്ട പ്രമുഖ താരങ്ങള്‍ തന്നെയാണ് അറസ്റ്റിന് പിന്നാലെ അമ്മയുടെ ട്രഷറര്‍ കൂടിയായ ദിലീപിനെ പുറത്താക്കാന്‍ ഏകകണ്‌ഠേന തീരുമാനമെടുത്തത്. താരസംഘടനയുടെ യോഗത്തിന് പിന്നാലെ പ്രൊഡ്യൂസേഴ്‌സ് അസോസിയേഷന്‍, ഫെഫ്ക, ദിലീപ് മുന്‍കയ്യെടുത്ത് രൂപീകരിച്ച തിയറ്ററുടമകളുടെ സംഘടന ഫിയൂക് എന്നിവയും താരത്തെ പുറത്താക്കി.


ഞാന്‍ ദിലീപിനൊപ്പമാണ്. അദ്ദേഹത്തിന്റെ ഔദാര്യം പറ്റിയ സിനിമാക്കാര്‍ ഒപ്പം നില്‍ക്കേണ്ട സമയമാണിത്. പൊലീസിന് തെറ്റ് പറ്റിയിട്ടുണ്ടെങ്കില്‍ മുഖ്യമന്ത്രി ഇടപെട്ട് തിരുത്തണം. കെ.ബി.ഗണേഷ്‌കുമാര്‍ എംഎല്‍എ

ആക്രമിക്കപ്പെട്ട സഹപ്രവര്‍ത്തകയ്‌ക്കൊപ്പമാണ് ചലച്ചിത്രലോകവും അമ്മയും നിലകൊള്ളുകയെന്ന് ദിലീപിനെ പുറത്താക്കിയ യോഗത്തിന് പിന്നാലെ മമ്മൂട്ടി പ്രഖ്യാപിച്ചു. എന്നാല്‍ ചലച്ചിത്രലോകം ഒന്നടങ്കം ഈ നിലപാടിനൊപ്പമല്ലെന്ന് പിന്നീട് വ്യക്തമായി. അക്രമിക്കപ്പെട്ട നടിക്കൊപ്പമല്ല, ആക്രമണം ആസൂത്രണം ചെയ്‌തെന്ന കുറ്റത്തിന് പ്രതി ചേര്‍ക്കപ്പെട്ട് ജയിലിലായ ദിലീപ് എന്ന സൂപ്പര്‍താരത്തിനൊപ്പമാണ് മലയാള സിനിമയിലെ പ്രമുഖരില്‍ പലരുമെന്ന് വെളിപ്പെടുന്നതായിരുന്നു അച്ഛന്റെ ശ്രാദ്ധത്തില്‍ പങ്കെടുക്കാന്‍ ദിലീപിന് രണ്ട് മണിക്കൂര്‍ കോടതി അനുവദിച്ചതിന് പിന്നാലെയുള്ള മണിക്കൂറുകള്‍. നടി ആക്രമിക്കപ്പെട്ടതിന് പിറ്റേന്നാള്‍ ദര്‍ബാര്‍ ഹാള്‍ ഗ്രൗണ്ടില്‍ നടന്ന ഐക്യദാര്‍ഡ്യ സന്ധ്യയില്‍ ആ സഹോദരിക്കൊപ്പമാണ് തങ്ങള്‍ ഓരോരുത്തരുമെന്ന് താരങ്ങളും സാങ്കേതിക പ്രവര്‍ത്തകരും സിനിമയിലെ മറ്റുളളവരും ഒന്നടങ്കം ആവര്‍ത്തിച്ചിരുന്നു. പ്രേക്ഷകരെ ആവേശം കൊള്ളിക്കുക എന്ന ലക്ഷ്യം മുന്‍നിര്‍ത്തി മാത്രം എഴുതിയുണ്ടാക്കുന്ന പഞ്ച് ഡയലോഗുകള്‍ പോലെ പൊള്ളയായിരുന്നു ക്രൂരമായി ആക്രമിക്കപ്പെട്ട സഹപ്രവര്‍ത്തകയ്ക്കുള്ള ഇവരില്‍ പലരുടെയും വാഗ്ദാനം എന്ന് ബോധ്യപ്പെടുത്തുന്നതായിരുന്നു ദിലീപ് രണ്ട് മണിക്കൂര്‍ നേരത്തേക്ക് പുറത്തിറങ്ങുന്നുവെന്ന് അറിഞ്ഞതിന് പിന്നാലെ പലരും വിറളി പൂണ്ട് നടത്തിയ ജയില്‍ സന്ദര്‍ശനം. ദിലീപിനെ പുറത്താക്കിയ താരസംഘടനയുടെ വൈസ് പ്രസിഡന്റ് കെ ബി ഗണേഷ് കുമാറും ആക്രമിക്കപ്പെട്ട നടിക്കായി വൈകാരികമായി സംസാരിച്ച സംവിധായകന്‍ രഞ്ജിത്തും ദിലീപ് ഇത്തരമൊരു ക്രൂരകൃത്യം ചെയ്തുവെന്ന് കേട്ടപ്പോള്‍ ഞെട്ടിയെന്ന് മാധ്യമങ്ങളെ അറിയിച്ച ജയറാമും ക്രൂരമായി ആക്രമിക്കപ്പെട്ട നടിയെ അല്ല കേസില്‍ പ്രതിയായസഹപ്രവര്‍ത്തകനെയാണ് തങ്ങള്‍ പിന്തുണയ്ക്കുന്നതെന്ന് പ്രവൃത്തിയിലൂടെ വ്യക്തമാക്കി. ഓണക്കോടിയുമായി ജയറാമും പിന്തുണയും സ്‌നേഹപ്രകടനവുമായി രഞ്ജിത്തും ആന്റണി പെരുമ്പാവൂരും കെ ബി ഗണേഷ് കുമാറും ബെന്നി പി നായരമ്പലവും ജയിലിലെത്തിയപ്പോള്‍ തനിക്ക് ഓണത്തിന് അതിഥികള്‍ ആരുമുണ്ടായിരുന്നില്ലെന്നാണ് ആ നടി മാധ്യമങ്ങളോട് പറഞ്ഞത്.

ദിലീപ് തെറ്റുചെയ്തിട്ടില്ലെന്ന് ഉറച്ച് വിശ്വസിക്കുന്നു. ഇത്തരം മണ്ടത്തരങ്ങള്‍ക്ക് നില്‍ക്കുന്ന ആളല്ല ദിലീപ്. ദിലീപിന്റെ നിരപരാധിത്വം കാലം തെളിയിക്കും. ശ്രീനിവാസന്‍


ദിലീപിന്റെ ഔദാര്യം പറ്റിയവര്‍ ആപത് ഘട്ടത്തില്‍ അദ്ദേഹത്തെ കയ്യൊഴിയരുതെന്ന് പറഞ്ഞത് ഇടതുപക്ഷത്തെ പ്രതിനിധീകരിക്കുന്ന ജനപ്രതിനിധി കൂടിയായ കെ ബി ഗണേഷ് കുമാറാണ്. ഗണേഷ് കുമാറിന്റെ വാക്കുകള്‍ സൂപ്പര്‍താരങ്ങളെ ഉള്‍പ്പെടെ ലക്ഷ്യമിട്ടാണ്. ദിലീപ് എന്ന മലയാള സിനിമയിലെ അതിശക്തമായ അധികാര കേന്ദ്രം ഒരു അറസ്റ്റിന് പിന്നാലെ ദുര്‍ബലമായിട്ടില്ലെന്ന വിശദീകരണം കൂടിയാണ് ഗണേഷിന്റെ വാക്കുകള്‍. ദിലീപിനെ തിടുക്കപ്പെട്ട് പുറത്താക്കിയതില്‍ അതൃപ്തിയുള്ള ചലച്ചിത്ര മേഖലയിലെ വലിയൊരു വിഭാഗത്തെ പുതിയൊരു ചേരിയാക്കി മാറ്റുന്നതിന് വേണ്ടിയുള്ള സമ്മര്‍ദ്ദ തന്ത്രവുമാണ് ഗണേഷിന്റെ വാക്കുകളിലൂടെ പുറത്ത് വന്നത്. പി സി ജോര്‍ജ്ജ് എം എല്‍ എ മാത്രമായിരുന്നു അറസ്റ്റിന് പിന്നാലെ ദിലീപിനെ പൂര്‍ണമായും പിന്തുണച്ച് എത്തിയ ഏക ജനപ്രതിനിധി. കെ ബി ഗണേഷ് കുമാറിന്റേത് ചലച്ചിത്ര മേഖലയില്‍ നിന്നുള്ള ഒറ്റപ്പെട്ട സ്വരവുമല്ല. പ്രൊഡ്യൂസേഴ്‌സ് അസോസിയേഷന്‍ പ്രസിഡന്റും പ്രമുഖ നിര്‍മ്മാതാവുമായ ജി സുരേഷ് കുമാര്‍, മുതിര്‍ന്ന സംവിധായകന്‍ അടൂര്‍ ഗോപാലകൃഷ്ണന്‍, നടന്‍ ശ്രീനിവാസന്‍, സംവിധായകന്‍ ലാല്‍ ജോസ്, വൈശാഖ് എന്നിവര്‍ ഇതിനോടകം ദിലീപിന് പരസ്യ പിന്തുണയുമായി എത്തിയിരുന്നു. മൂലധന കേന്ദ്രീകൃതമായ ഒരു ചലച്ചിത്ര മേഖലയ്ക്ക് നിര്‍മ്മാതാവായും താരമായും തിയറ്റര്‍ ഉടമയായും വിതരണക്കാരനായും നിലകൊണ്ടിരുന്ന നടനോട് തന്നെയാണ് ക്രൂര പീഢനത്തിന് ഇരയായ സഹപ്രവര്‍ത്തകയെക്കാള്‍ താല്‍പ്പര്യമെന്ന് ഒരിക്കല്‍ കൂടി വ്യക്തമാക്കുന്നതാണ് ഇക്കൂട്ടരുടെയത്രയും പ്രസ്താവനകള്‍.


ഞാന്‍ അറിയുന്ന ദിലീപ് അധോലോക നായകനോ കുറ്റവാളിയോ അല്ല. ഇപ്പോള്‍ നടക്കുന്നത് മാധ്യമങ്ങളുടെ ശിക്ഷവിധിക്കലാണ്. ഇപ്പോഴുള്ളത് മുഴുവന്‍ കഥയായിക്കൂടേ? അടൂര്‍ ഗോപാലകൃഷ്ണന്‍

നടിയെ ആക്രമിച്ച കേസില്‍ ദിലീപ് അറസ്റ്റിലായപ്പോള്‍ പോലീസിനെയും സര്‍ക്കാരിനെയും ഒരു പോലെ അഭിനന്ദിച്ച അതേ സംഘടനയിലെ സുപ്രധാന ഭാരവാഹികളാണ് ഒരു മാസത്തിനിപ്പുറം നിലപാടില്‍ നിന്ന് മലക്കം മറിഞ്ഞിരിക്കുന്നത്. സിനിമാപ്രവര്‍ത്തകര്‍ ദിലീപിനെ കാണാന്‍ തുടര്‍ച്ചയായെത്തുന്നതിനാല്‍ അവസാനം ജയിലധികൃതര്‍ സന്ദര്‍ശകര്‍ക്ക് നിയന്ത്രണം ഏര്‍പ്പെടുത്തിയിരിക്കുകയാണ്. ഗണേഷ്‌കുമാര്‍ എംഎല്‍എയുടെ ദിലീപ് അനുകൂല പ്രസ്താവനയ്‌ക്കെതിരെ പൊലീസ് കോടതിയിലും എത്തിയിരിക്കുന്നു. ദിലീപിന് സംശയത്തിന്റെ ആനുകൂല്യം നല്‍കണമെന്നും വേട്ടയാടരുതെന്നും പലയാവര്‍ത്തി പറഞ്ഞവരെല്ലാം അക്രമത്തിനിരയായ നടിയെക്കുറിച്ച് മിക്കപ്പോഴുമെന്നപോലെ ഇപ്പോഴും നിശബ്ദരാണ്.

 

dileep anukoola tharangam !

 

vaalayar paramashivam

 

pakshe.........paramasivathinte koode item dance kalikkaan ini aarumm varilla.......pinne paramasivathinte baarya vannal theatril KOOVAL melamayirikkum.......................

 

athum neranallo...

 

avalodoppam .... avanodoppam....

 

nammal ini enthu seyyum malayya.........?