Official Thread ║►Pranav Mohanlal in & as AADHI◄║Jeethu Joseph Royal Entry of Prince-

ഒരു മാസ്സ് ചിത്രം പ്രതീക്ഷിച്ചു പ്രണവിന്റെ ചിത്രത്തിന് ടിക്കറ്റ് എടുക്കേണ്ടന്ന് ജീത്തു ജോസഫ്.

ത്രില്ലർ ശ്രേണിയിൽ വരുന്ന ഒരു റോഡ് മൂവി ആണ് ആദി. പ്രണവിന്റെ അരങ്ങേറ്റ ചിത്രമായ ആദി ഹിന്ദി, തമിഴ്, തെലുഗു ചിത്രങ്ങളുടെ ശ്രേണിയിൽ വരുന്ന മാസ്സ് ആക്ഷൻ ചിത്രം അല്ലെന്ന് സംവിധായകൻ പറയുന്നു.

വളരെ റിയലിസ്റ്റിക് ആയി അവതരിപ്പിച്ചിരിക്കുന്ന ഒരു ആക്ഷൻ ചിത്രമാണ് ആദി എന്നും അനാവശ്യമായി ഒരു സംഘട്ടനവും ഈ ചിത്രത്തിൽ തിരുകി കയറ്റിയിട്ടില്ല എന്നും പറയുന്നു സംവിധായകൻ. ചിത്രത്തിൽ വളരെ കുറച്ചു ആക്ഷൻ രംഗങ്ങൾ മാത്രമേ ഉള്ളു എന്നും, എന്നാൽ ഉള്ള രംഗങ്ങൾ വലിയ രീതിയിൽ ആണ് ചിത്രീകരിച്ചിരിക്കുന്നത് എന്നും ജീത്തു ജോസഫ് പറഞ്ഞു.

 

ഫ്രാൻ‌സിൽ നിന്നടക്കം ഇതിലെ അപകടം പിടിച്ച ആക്ഷൻ രംഗങ്ങൾ ഒരുക്കാന്‍ ആളുകൾ എത്തിയിരുന്നു. ഡ്യൂപ്പിന്‍റെ സഹായം ഇല്ലാതെ ആണ് പ്രണവ് മോഹൻലാൽ ആക്ഷന്‍ രംഗങ്ങള്‍ ചെയ്തത്. സ്വന്തമായി തന്നെ അപകടം പിടിച്ച പാർക്കർ രംഗങ്ങൾ പൂർത്തിയാക്കിയ പ്രണവ് എല്ലാവരുടെയു അഭിനന്ദനം പിടിച്ചു പറ്റി എന്നും പറയുന്നു ജീത്തു ജോസഫ്. ജീത്തു തന്നെയാണ് ഈ ചിത്രം രചിച്ചിരിക്കുന്നതും. ഇപ്പോൾ ലഭിക്കുന്ന വിവരങ്ങൾ പ്രകാരം ആദി പ്രദർശനത്തിന് എത്തുക അടുത്ത വര്‍ഷം ജനുവരിയിൽ ആയിരിക്കും.