Review സുഡാനി ഫ്രം നൈജീരിയ @ കണിമംഗലം

പടം കണ്ടിരുന്നു . ഒരു സാധരണ ചിത്രം എന്നാണ് ആദ്യം കരുതിയിരുന്നത് . മികച്ച അഭിപ്രായങ്ങൾ ആണ് ആദ്യ ദിവസം കേൾക്കാൻ ഇടയായതും .


എടപ്പാൾ ഗോവിന്ദയിൽ ഇന്ന് മാറ്റിനി കാണാൻ പോയി ഹൌസ് ഫുൾ എന്ന പതിവില്ലാത്ത കാഴ്ച കണ്ടു നേരെ അപ്പോൾ തന്നെ പൊന്നാനിക്ക് വെച്ചു പിടിച്ചു .

പൊന്നാനി അലങ്കാർ ഉം മാറ്റിനി ഏതാണ്ട് ഫുൾ ആണ് .


സുഡാനി ഒറ്റ വാക്കിൽ പറഞ്ഞാൽ നന്നായിട്ടുണ്ട് . മലപ്പുറം +ഫുട്ബോൾ അധികം പറഞ്ഞു കണ്ടിട്ടില്ലാത്ത കഥ ആണ് .

മലപ്പുറത്തെ സെവൻസ് ഫുട്ബോൾ ടീമിന്റെ മാനേജരുടെ കഥ ആണ് സുഡാനി പറയുന്നത് .

ആഫ്രിക്കൻ വംശജർ മലബാറിൽ സെവൻസ് കളിക്കാൻ എത്തുന്നത് അത്ര അതിശയം ഉള്ള കാര്യമല്ല .
ഇത്തരത്തിൽ ഉള്ള കളിക്കാരെ പൊതുവെ "സുടു " എന്നാണ് വിശേഷിപ്പിക്കുന്നത് .

ഇത്തരത്തിൽ ഒരു സുഡാനി കളിക്കാരന്റെ സ്പോൺസർ ആയ നായക കഥാപാത്രംനേരിടേണ്ടി വരുന്ന പ്രശ്നങ്ങൾ ആണ് സിനിമ പറയുന്നത് ...കളിയോടൊപ്പം സ്നേഹബന്ധങ്ങൾക് കുടുംബ പശ്ചാത്തലത്തിൽ കൂടുതൽ പ്രാധാന്യം നൽകാൻ സംവിധായകന് സാധിച്ചു എന്നത് എടുത്തു പറയണം .

മലപ്പുറത്തെ സംസാര ശൈലി മനോഹരമായി അവതരിപ്പിച്ചു .കഥാപാത്രങ്ങളുടെ സ്വാഭാവികത ആണ് വേറിട്ടു നിൽക്കുന്ന ഒരു ഘടകം .


സൗബിൻ - സുഡാനി ആയി അഭിനയിച്ച നടനും നന്നായി പക്ഷെ ഈ ചിത്രത്തിൽ പ്രകടനം കൊണ്ട് ഞെട്ടിച്ചു എന്ന് നിസംശയം പറയാൻ കഴിയുന്നത് സൗബിന്റെ അമ്മയായും അയൽവാസി ആയും അഭിനയിച്ച നാടക കലാകാരികൾ ആണ് !ഇവർക്ക് ഭാവിയിൽ അവസരങ്ങൾ ഏറെ ലഭിക്കാൻ സാധ്യത കാണുന്നു !

സംസാരത്തിലും പെരുമാറ്റത്തിലും ഈ നടിമാർ അത്ര കണ്ടു സ്വാഭാവികത കൊണ്ട് വരുന്നതിൽ വിജയിച്ചു .

മലപ്പുറത്തെ കളി കമ്പവും ഭക്ഷണ പ്രിയവും സൽക്കാരവും സ്നേഹവും മമ്പുറം തങ്ങളുടെ അനുഗ്രഹം ലഭിച്ചാൽ സകല കേടുപാടുകളും മാറും എന്ന വിശ്വാസം പോലും സിനിമയിൽ കടന്നു വരുന്ന കാര്യങ്ങൾ ഒരു മലപ്പുറത്തുകാരന് സുപരിചിതമായ കാഴ്ചകൾ ആണ് .

ചെറിയ തമാശകളും ചില്ലറ സെന്റിയും ഒക്കെ ആയി വലിയ ബോറടി ഒന്നുമില്ലാതെ ആർക്കും കണ്ടിരിക്കാം സുഡാനിയെ എന്നാണ് എന്റെ വിശ്വാസം !

മൈ റേറ്റിംഗ് - 3.5