Official Thread ╚✤■ PETTA ■✤╝◉Super★RAjiNi And Vijay Sethupathi◉Karthik Subbaraj◉Anirudh◉Rajinification In Theatres◉

Vox cinemas Ruwi Oman

 

Padam kandu kidu first half ...average second half...thalaivar kola mass...next show viswasathinu kerunnu

 

പേട്ട

രജനികാന്തിന്റെ മറ്റൊരു സിനിമ എന്നതിനേക്കാൾ പിസ്സ, ഇരൈവി, ജിഗർത്തണ്ട എന്നീ ഇഷ്ടചിത്രങ്ങളുടെ സംവിധായകന്റെ ചിത്രത്തിൽ രജനികാന്ത് അഭിനയിക്കുന്നു എന്നതായിരുന്നു ഈ സിനിമ അന്നൗൻസ് ചെയ്തപ്പോൾ മുതൽ പ്രതീക്ഷ ഉണ്ടാക്കിയത്. വിജയ് സേതുപതി, നവാസുദ്ദീൻ സിദ്ധിഖ്, ബോബി സിംഹ, ശശികുമാർ, ഗുരു സോമസുന്ദരം, മണികണ്ഠൻ ആചാരി, സിമ്രാൻ, തൃഷ എന്നീ താരനിരയും പ്രതീക്ഷ കൂട്ടി. പക്ഷെ ചിത്രം അത്ര കണ്ട് കാത്തില്ല എന്നു തന്നെ പറയാം.

കഥയൊക്കെ പഴയ ബോംബ് കഥ തന്നെ. പക്ഷെ ആദ്യപകുതിയിൽ പ്രത്യേകിച്ച് കഥയിലേക്ക് കടക്കുന്നില്ല എങ്കിലും ഇന്റർവെൽ വരെ ഉള്ള സീനുകൾ രജനികാന്ത് എന്ന താരത്തെയും നടനെയും എനർജെറ്റിക് ആയി അവതരിപ്പിക്കുന്നതിൽ വിജയിച്ചു. രണ്ടാം പകുതി പക്ഷെ കൈ വിട്ട് പോകുന്ന കാഴ്ച്ച ആയിരുന്നു, അടിയും ഇടിയും വെടിയും പുകയും പിന്നെ ഒട്ടും ഇമ്പാക്റ്റ് ഉണ്ടാക്കാത്ത ട്വിസ്റ്റുമായി എഡിറ്റർ ഉറങ്ങിപ്പോയോ എന്നു തോന്നിക്കുന്ന വിധത്തിൽ വളരെ ദൈർഘ്യമേറിയതായിപ്പോയി. രണ്ടാം പകുതി ഫ്ലാഷ്ബാക്ക് സീനുകൾ ഒട്ടും രസിപ്പിക്കുന്നില്ല എന്നതും ക്ലൈമാക്സ് ട്വിസ്റ്റ് ഉൾപ്പടെ പ്രവചനാത്മകമായതും ആസ്വാദനത്തെ കാര്യമായി ബാധിക്കുന്നുണ്ട്.

ഒരു പക്ഷെ പടയപ്പ, ബാബ എന്നീ ചിത്രങ്ങൾക്ക് ശേഷം ഇത്രയും ഈസി എനർജെറ്റിക് ആയ രജനികാന്ത് സ്ക്രീനിൽ വരുന്നത് ഇതിലാണ്. പുള്ളിയുടെ സ്ക്രീൻ പ്രസൻസ് ആണ് ചിത്രത്തിന്റെ ജീവൻ. രജനി കഴിഞ്ഞാൽ ചിത്രത്തിൽ അല്പമെങ്കിലും പെർഫോം ചെയ്യാനുള്ളത് സിമ്രാൻ, തൃഷ എന്നീ വലിയ നായികമാർക്കിടയിലും മാളവിക മോഹനനാണ്, സാരി ഗെറ്റപ്പിൽ അന്യായ ലുക്കും, തൃഷ വരെ സൈഡ് ആയിപ്പോകുന്ന കാഴ്ച്ച. വിജയ് സേതുപതി, നവാസുദ്ദീൻ സിദ്ധിഖ് എന്നിവരുടെ കഥാപാത്രങ്ങൾ ഒക്കെ തീർത്തും പാതി വെന്തതാണ്, ഫ്ലാഷ്ബാക്കിൽ നവാസുദ്ദീൻ തികച്ചും ഒരു മോശം കാസ്റ്റിംഗ് ആയിപ്പോയി.

അനിരുദ്ധിന്റെ ബി ജി എം ആണ് മറ്റൊരു പ്ലസ് പോയിന്റ്. ക്യാമറ വർക്കിൽ തിരു എന്നു കണ്ടാൽ പിന്നെ ബാക്കി പറയണോ

കാർത്തിക് സുബ്ബരാജ് ഒരു രജനി ആരാധകൻ എന്ന നിലയിൽ ആരാധകർക്കായി എടുത്ത സിനിമ ആദ്യ പകുതി എല്ലാവരെയും രസിപ്പിക്കുമെങ്കിൽ രണ്ടാം പകുതി നിരാശപ്പെടുത്തി. ഒരു സാദാ മാസ്സ് മസാല സിനിമയ്ക്ക് മുകളിൽ ഈ സിനിമ ഉയരുന്നില്ല എന്നത് രജനികാന്ത് സിനിമ എന്ന നിലയ്ക്ക് നിരാശ ആണ്.രജനികാന്തിന്റെ മാസ്സ് സിനിമ എന്നതിനേക്കാൾ ഒരു മസാല സ്ക്രിപ്റ്റിൽ രജനികാന്ത് . ഡയലോഗുകളിൽ ഒളിഞ്ഞും തെളിഞ്ഞും ചില സീനുകളും രാഷ്ട്രീയം പറയുന്നുണ്ട്

ഒന്ന് കണ്ടു മറക്കാം ഈ പേട്ട, ഡിവിടിയിൽ ആദ്യപകുതിയിലെ ചില രംഗങ്ങൾ വീണ്ടും കാണാം.

 

How many of you noticed IDHAYAM MURALI of MEYAADHA MAAN(a Karthik Subbaraj presented movie) in PETTA Kalyanam song