Review Kodathi Samaksham Balan Vakheel - My Review !!!

കോടതി സമക്ഷം ബാലൻ വക്കീൽ .....

സ്ഥിരം ദിലീപ് ടൈപ്പ് കോമഡി സിനിമ കാണാൻ എത്തിയവരെ ആദ്യത്തെ 20 മിനിട്ടുകൾക്ക് ശേഷം ഒരു ത്രില്ലർ സിനിമയുടെ മൂടിലേക്കാണ് സിനിമ കൊണ്ടുപോകുന്നത് . അവസരങ്ങൾ കുറഞ്ഞ ബാലകൃഷ്ണൻ എന്ന അഭിഭാഷകനായി ദിലീപ് എത്തുന്നു . ഒരു വ്യാജ പരാതിയുടെ അടിസ്ഥാനത്തിൽ അനുരാധ എന്ന സ്ത്രീയ്ക്ക് വേണ്ടി സംസ്ഥാന പോലീസ് മേധാവിക്ക് വക്കീൽ നോട്ടീസ് അയക്കുന്നതോടെ അയാളുടെ ജീവിതത്തിന്റെ ഗതി മാറുന്നു . മംമ്ത മോഹൻദാസാണ് അനുരാധയായി അഭിനയിക്കുന്നത് .
മറ്റ് താരങ്ങളുടെ സിനിമകളിൽ നിന്ന് വ്യസ്ത്യസ്തമായി ദിലീപ് സിനിമകളുടെ ജയ പരാജയങ്ങൾ തീരുമാനിക്കുന്നത് അതിലെ ചിരിപ്പിക്കാനുള്ള സന്ദര്ഭങ്ങൾക്കനുസരിച്ചാണ് .ത്രില്ലർ സ്വഭാവമുള്ള സിനിമയായിരുന്നിട്ട് പോലും ആളുകളെ ചിരിപ്പിക്കാനുള്ള മരുന്നൊക്കെ ആവശ്യത്തിന് ഈ സിനിമയിൽ നിറച്ചിട്ടുണ്ട് സംവിധായകൻ . പക്ഷേ കുറെയൊക്കെ തമാശകൾ നനഞ്ഞ പടക്കങ്ങളായി മാറുകയും ചെയ്തു . 3 സംഘട്ടനങ്ങളാണ് സിനിമയിലുള്ളത് .അതെല്ലാം നായകന് അമാനുഷിക പരിവേഷം നൽകുന്ന തരത്തിലുള്ളതായിരുന്നെങ്കിലും ഇതൊരു റിയലിസ്റ്റിക്ക് ലേബലിൽ വരാത്ത സിനിമയായതിനാലും നായകൻറെ ഭൂതകാലം ഇത് സാധൂകരിക്കുന്നതിനാലും അത്തരം സംഘട്ടനങ്ങൾ ഒരു വലിയ കുറവായി തോന്നിയില്ല .

റിയലിസ്റ്റിക്കും നാച്ചുറൽ അഭിനയവും മാത്രം ആസ്വദിക്കുന്നവരുണ്ടെങ്കിൽ ഈ സിനിമ കാണാതിരിക്കുന്നതാണ് നല്ലത് . ഇത് ചുമ്മാ ഇടയ്ക്ക് ചിരിച്ചും കുറച്ച് ത്രില്ലടിച്ചും കണ്ടിരിക്കാവുന്ന ഒരു സാധാരണ സിനിമയാണ് . ശരാശരിക്ക് മുകളിൽ നിൽക്കുന്ന ഒരു എന്റർടൈനർ ..

ഒരു നല്ല കാര്യം എന്താണെന്ന് വെച്ചാൽ , ഒരു ചുറ്റിക എടുത്തു വെച്ച് ഓർഡർ .. ഓർഡർ എന്ന് പറയുന്ന ജഡ്ജിയിൽ നിന്ന് സൈലൻസ് എന്ന് മേശയിൽ കൈ തട്ടി പറയുന്ന ജഡ്ജിയിലേക്ക് മലയാള സിനിമ എത്തി എന്നുള്ളതാണ് . എങ്കിലും കോടതി രംഗങ്ങളിൽ ഇനിയും ഒരുപാട് മാറ്റങ്ങൾ വരേണ്ടതുണ്ട് ....

 

Thanks.....

 

Thanxx

 

Thanks for the review RKP

 

Thanks