മലയാളത്തിലെ ഒരു സൂപ്പർ താരം നായകനാകുന്ന ആദ്യത്തെ റിയലിസ്റ്റിക് സിനിമയായിരിക്കും ഉണ്ട. ഉണ്ടയിൽ മമ്മൂട്ടി എന്ന മെഗാ സ്റ്റാറില്ല. എസ് ഐ മണിയെ ഉള്ളു. എസ് ഐ മണി അതിമാനുഷനല്ല ജീവ ഭയമുള്ള ഒരു സാധാരണ പൊലീസുകാരനാണ്. അദ്ദേഹത്തിന് ആരോഗ്യ പ്രശ്നങ്ങൾ ഉണ്ട് . അസാധാരണമായ നിറവും ഭംഗിയും ഉള്ള ഒരു ഭാര്യയല്ല അയാൾക്കുള്ളത്. അയാൾ തന്റെ സഹപ്രവർത്തകരുടെ മുൻപിൽ നിസ്സഹായനാണ്. അവരോട് മാപ്പ് ചോദിക്കാൻ മടിയിലാത്തവനാണ് . എസ് ഐ മണി ഒരു മധ്യവയസ്ക്കാനായ സാധാരണ മലയാളിയാണ് . എസ് ഐ മ മണിയെ സ്ക്രീനിൽ അവതരിപ്പിച്ചത് മെഗാസ്റ്റാർ മമ്മൂട്ടിയാണ്. ഒരു ഓഫ് ബീറ്റ് സിനിമായല്ലായിരുന്നിട്ടും താര പരിവേഷമില്ലാത്ത ഇത്തരം ഒരു റോൾ അതിമനോഹരമാക്കിയ മമ്മുക്കയ്ക്ക് ഇരിക്കട്ടെ ഒരു നിറഞ്ഞ കയ്യടി... ഖാലിദ് ഇനിയും മമ്മുക്കയെ വെച്ച് സിനിമകൾ ചെയ്യണം....
