Review MAALGUDI DAYS - OPENING DISASTER OF 2016 - SHA KOLLAM REVIEW

മാല്‍ഗുഡി ഡെയ്സ് - എന്റെ അഭിപ്രായം
MAALGUDI DAYS - REVIEW BY SHA KOLLAM

ഈ ചിത്രത്തിന് ഒരുപാട് പ്രത്യേകതകള്‍ ഉണ്ട്. ഒരുപക്ഷെ ഇന്ത്യയില്‍ തന്നെ ആദ്യമായി 3 പേര്‍ ചേര്‍ന്ന് സംവിധാനം ചെയ്ത സിനിമ എന്ന ഖ്യാതി ഈ ചിത്രത്തിന് സ്വന്തം. സഹോദരങ്ങളായ വിവേക് , വിശാഖ് , വിനോദ് എന്നിവര്‍ ചേര്‍ന്നാണ് ഈ കൊച്ചു ചിത്രം സംവിധാനം നിര്‍വഹിച്ചിരിക്കുന്നത്.
മറ്റൊന്ന് ഈ ചിത്രത്തില്‍ നായകനോ നായകിയോ ഇല്ല എന്നതാണ്.
മാല്‍ഗുഡി സ്കൂളിലെ വിദ്യാര്‍ഥികളായ അഥീനയും (ബേബി ജാനകി) മിലന്‍ ജോസഫും (മാസ്റ്റര്‍ വിശാല്‍) ആണ് കേന്ദ്രകഥാപാത്രങ്ങള്‍.

കഥ, തിരക്കഥ , സംഭാഷണം :
സംവിധായകരായ ത്രിമൂര്‍ത്തികള്‍ തന്നെയാണ് ചിത്രത്തിന്റെ കഥയും തിരക്കഥയും രചിച്ചിരിക്കുന്നത്. അത്യാവശ്യം മോശമായ ഒരു കഥയില്‍ ധാരാളം പൊട്ടത്തരങ്ങളും മണ്ടന്മാരായ കുറെഅധികം കഥാപാത്രങ്ങളും ചേര്‍ത്ത് വളരെ മോശമായ ഒരു തിരകഥയാണ് ഈ പുതുമുഖ-സംവിധായക കൂട്ടുകെട്ട് പ്രേക്ഷകര്‍ക്കായി തയ്യാറാക്കി വെച്ചിരിക്കുന്നത്. ഇടയ്ക്കു പുട്ടിനു പീര എന്നത് പോലെ തിരുകികയറ്റിയ 3 ഗാനങ്ങളും. കുട്ടികള്‍ പാടുന്ന ആദ്യ ഗാനം കണ്ടപ്പോള്‍ സംവിധായകന്‍ ഫോട്ടോഷോപ്പ് ചെയ്ത് പഠിച്ചതാണോ എന്ന് തോന്നിപ്പോയി. പിന്നീട് വന്ന 2 ഗാനങ്ങളും തികച്ചും അനാവശ്യവും കല്ലുകടിയായും തോന്നി. പോരാത്തതിന് മെഗാ സീരിയലുകളെ വെല്ലുന്ന തരത്തിലുള്ള ഡയലോഗുകളും ..!!
ഒരു തിരകഥയുടെ നട്ടെല്ലാണ് കഥാപാത്രസൃഷ്ടി . സ്വാഭാവിക ബുദ്ധിയുള്ള ഒരൊറ്റ കഥാപാത്രത്തെ പോലും സൃഷ്ട്ടിക്കുന്നതില്‍ 3 കഥാകൃത്തുകളും അതിഭീമമായി പരാജയപെട്ടിരിക്കുന്നു.

സംവിധാനം : വിവേക് - വിശാഖ്- വിനോദ്
ഒരാളല്ല , മറിച്ച് മൂന്നു പേരാണ് ഈ പടത്തിന്റെ സംവിധാനം നിര്‍വഹിച്ചിരിക്കുന്നത്. എന്നിട്ട് പോലും പ്രേക്ഷകനെ സന്തോഷിപ്പിക്കുന്നതോ , കൊരിതരിപ്പിക്കുന്നതോ , കയ്യടിപ്പിക്കുന്നതോ ആയ ഒരൊറ്റ രംഗം പോലും ഈ മൂന്നു പേര്‍ക്കും നല്‍കാനായില്ല എന്നത് ഈ ചിത്രത്തിന്റെ പരാജയത്തിനു ആക്കംകൂട്ടുന്നു. സിനിമ പിടിക്കുന്നതിലെ അടിസ്ഥാനപരമായ (Basics Of Cinema Making) പല കാര്യങ്ങളിലും ഈ മൂന്നു പേരുടെയും അറിവില്ലായ്മ ഈ ചിത്രത്തെ ദോഷകരമായി ബാധിച്ചിട്ടുണ്ട്. ഒരു ക്യാമറ ഉണ്ടെങ്കില്‍ 10 വയസ്സുള്ള പയ്യന് പോലും ഷോര്‍ട്ട് ഫിലിം സംവിധാനം ചെയ്യാവുന്ന ഈ കാലഘട്ടത്തില്‍ , വലിയ സ്ക്രീനിലെ വലിയ സിനിമയെയും തിരക്കഥയെയും അതെ ലാഘവത്തോടെ കണ്ടതാണ് ഈ 3 സംവിധായകര്‍ക്കും പറ്റിയ ഏറ്റവും വലിയ അബദ്ധം.

എന്ത് പറ്റി അനൂപ്‌ മേനോന് ..???
മലയാള സിനിമ കണ്ട മികച്ച തിരകഥാകൃത്തുകളില്‍ ഒരാളാണ് അനൂപ്‌ മേനോന്‍. ഇത്രയും അബദ്ധജഡിലമായ തിരകഥ വായിച്ചിട്ടും ഇതില്‍ അഭിനയിക്കാന്‍ എന്തിനു സമ്മതിച്ചു അനൂപ്‌ മേനോന്‍ ..???
നായകനായി അഭിനയിക്കാനുള്ള ആഗ്രഹം കൊണ്ടോണോ .??
അതോ പുതുമുഖങ്ങള്‍ക്ക് സപ്പോര്‍ട്ട് ചെയ്തതാണോ ..??? ആവോ .!!

സംവിധായകരോട് ഒരു വാക്ക് :
100 രൂപയ്ക്കു ടിക്കറ്റ്‌ എടുത്തു സിനിമയ്ക്കു കയറുന്ന പ്രേക്ഷകരോട് അല്പമെങ്കിലും ഉത്തരവാദിത്വം കാണിക്കുക. അല്ലെങ്കില്‍ കാലത്തിന്റെ ചവറ്റുകൊട്ടയിലെക്ക് ഇത് പോലെ നിങ്ങളുടെ സിനിമയും എടുത്ത് എറിയപ്പെടും ...!!

മുന്നറിയിപ്പ് : ഈ സിനിമ കാണുന്നത് നിങ്ങളുടെ സമ്പത്തിനും സമയത്തിനും ഒരു പോലെ ഹാനികരം ...!!

MY RATING : 0/5 WASTE OF TIME & MONEY
BOX OFFICE : DISASTER OF 2016.

 

Thnx Sha Kollam

Gd Rvw.

 

Shente ponno SHAAA..!

Thanx macha.!

 

Thanks..

 

Hayoo

Thanks sha

 

Thx macha

 

Thnx sha

 

Title kandu njetti poyii

 

anna Nalla review Thanks