Official Thread Megastar Mammookka's Classical Hit PATHEMARI 100 Days !!!

Irangi.Evng Vaanganam

 

Salim Ahamed
6 mins ·
അവർ പത്തുപേരുണ്ടായിരുന്നു;
പ്രായം അറുപതു കഴിഞ്ഞവർ;
നാരായണനെ പോലെ, മോയ്ദീനെ പോലെ, അറുപതുകളിൽ പത്തേമാരിയേറി സ്വപ്നതീരമണഞ്ഞവർ. വോയിസ് ഓഫ് കേരള റേഡിയോയുടെ അതിഥികളായി അവർ വീണ്ടും പ്രവാസ ലോകത്ത് എത്തിയിരിക്കുകയ്യാണ്. കഴിഞ്ഞ നാല് നാളുകൾ അവരോടൊപ്പം ഞാനുമുണ്ടായിരുന്നു; ഒപ്പം പത്തേമാരിയിൽ മൊയ്ദീനായി ജീവിച്ച പ്രിയ ശ്രീനിയേട്ടനും.
മൂന്നാംനാൾ ഞങ്ങൾ പോയത് പ്രവാസത്തിന്റെ ചരിത്രമുറങ്ങുന്ന ഖോർഫുക്കാനിലേക്കാണ്. പ്രശസ്തമായ കാലിക്കറ്റ് ഹോട്ടലിന്റെ മുറ്റത്ത് ഒത്തുകൂടി. ദൂരെ കടൽത്തീരം ചൂണ്ടി ഖമറുക്ക പറഞ്ഞു,,,,,ദാ, അവിടെയാണ് ഞാൻ തളർന്ന് കിടന്നത്.....ഒരുവിധം നടന്നു ഈ ഹോട്ടെലിൽ എത്തി. ഏറെനാളത്തെ പട്ടിണിക്ക് ശേഷം ഇവിടെ നിന്നാണ് വയറു നിറയെ ഭക്ഷണം കഴിച്ചത്. കയ്യിലുണ്ടായിരുന്ന 25 രൂപ ഹോട്ടലുടമ മൌലാനക്ക് കൊടുത്തിട്ടും അദ്ദേഹം അത് വാങ്ങാൻ കൂട്ടാക്കിയില്ല.
"ഭക്ഷണം മാത്രമല്ല, നാട്ടിലേക്ക് കത്ത് എഴുതാൻ ഇൻലെന്റ് കൂടി തന്നു, എനിക്ക് " - ഹമീദ്കായാണ് അത് പറഞ്ഞത്.
ഇവിടെയായിരുന്നു അമ്പത് വർഷങ്ങൾക്ക് മുമ്പ് മൌലാന എന്ന ഒരു മലയാളി സ്നേഹം വിളമ്പിയത്.
50 വർഷങ്ങൾക്കിപ്പുറം അവരോടൊപ്പം കാലിക്കറ്റ് ഹോട്ടലിൽ നിന്നും ഉച്ച ഭക്ഷണം കഴിച്ചു ഞങ്ങളും.
മൌലാനയെ ഓർത്തു.
ശ്രീനിയേട്ടൻ പറഞ്ഞതാണ് സത്യം - ഒരാളിലെ നന്മയും കാരുണ്യവും, അത് എത്ര വർഷം കഴിഞ്ഞാലും മറ്റുള്ളവർ തിരിച്ചറിയുക തന്നെ ചെയ്യും.
അടുത്ത യാത്ര 'അടയാള പാറ'യിലേക്ക്,
അവർ പത്തുപേരും കടലിലേക്ക് നോക്കി നിന്നു!
അവർക്ക് മുമ്പിൽ ഇന്നും അടയാളമായി അടയാളപ്പാറ;
ഓർമ്മകളുടെ കടലിൽ പത്തേമാരികൾ തീരമണയുകയാണ്…..
സ്ഥലമെത്തി...ചാടിക്കോ ....ആർപ്പുവിളികൾ....എല്ലാം മറന്ന് കടലിലേക്ക് എടുത്തു ചാടി
ചിലരെ തള്ളിയിട്ടു. സർവ ശക്തിയും എടുത്ത് തീരത്തേക്ക് നീന്തി;
ചിലപ്പോൾ നാരായണനെപ്പോലെ ഇവരുമിപ്പോൾ ചിന്തിക്കുന്നുണ്ടാവാം....
"നമ്മൾ കര പറ്റിയവർ, അന്നം തേടി വന്നവർ...എത്ര പേർ ഈ ആഴ കടലിൽ മുങ്ങിപ്പോയിട്ടുണ്ടാവും".....
ഇവരും ആഗ്രഹിച്ചിരുന്നു മൊയ്ദീനെപ്പൊലെ, ഖോർഫുക്കാനിലെ മണ്ണിൽ ഒരിക്കൽ കൂടി തിരിച്ചെത്താൻ
പക്ഷെ ഇങ്ങനെ അതിഥികളായി ഒരു തിരിച്ചു വരവ് അവർ ഒരിക്കലും പ്രതീക്ഷിച്ചിരുന്നില്ല
തിരിച്ചുപോകാൻ നേരം പുഷ്പാംഗദൻ ചേട്ടൻ എൻറെ കയിൽ അമർത്തിപ്പിടിച്ചു. "നിങ്ങൾ കാരണം; പത്തേമാരി സിനിമ കാരണമാണ് ഞങ്ങള്ക്ക് വീണ്ടും ഇവിടെ വരാനും ഇതൊക്കെ കാണാനും കഴിഞ്ഞത്...
നന്ദി"
പുഷ്പേട്ടന്റെ കണ്ണുകൾ നിറഞ്ഞു……
ഒരുനിമിഷം ഞാനും നിശ്ശബ്ദനായി.
പത്തേമാരി സിനിമക്ക് ഇതിലും മുകളിലുളള ഒരു അവാർഡ് ഇനി കിട്ടാനുണ്ടോ ?
അവിടം വിടും മുമ്പ് ഒരിക്കൽ കൂടി അടയാള പാറയിലേക്ക് ഒന്ന് തിരിഞ്ഞു നോക്കി.
പാറക്ക് മുന്നിൽ നാരായണനും മൊയ്ദീനും.....
മൊയ്ദീൻ: ഞങ്ങൾ കുറെ പേർ ഇങ്ങോട്ട് കേറി വന്നപ്പോൾ നമ്മുടെ നാട് രക്ഷപ്പെട്ടു, നമ്മൾ പലരുടെയും അദ് ധ്വാനം കൊണ്ട് ഈ നാടും രക്ഷപ്പെട്ടു.......
നമ്മളോ ?.....
നന്ദി....ഇങ്ങനെ ഒരു സിനിമ ചെയ്യാൻ ചിന്തിപ്പിച്ച നേരത്തിന്.

 

last yearile eetavum mikacha scene

 

yep

 

Calicut Boys

 

:claps: :claps: :claps: