സുപ്രിയ ഫിലിംസ് വീണ്ടും ചലച്ചിത്ര രംഗത്ത് സജീവമാകുന്നു. രണ്ടരപതിറ്റാണ്ടിന്റെ ഇടവേളയ്ക്കു ശേഷം ബാനർ എത്തുന്നത് വമ്പൻ താര നിരയുമായാണ്‌. അഞ്ജലി മേനോന്റെ തിരക്കഥയിൽ പ്രതാപ് പോത്തൻ സംവിധാനം ചെയ്യുന്ന ചിത്രത്തിൽ നായകന്മാരാകുന്നത് മലയാളത്തിന്റെ പ്രിയ താരം ദുൽഖർ സൽമാനും തമിഴകത്തിന്റെ മാധവനുമാണ്‌. സുപ്രിയ ഫിലിംസിനൊപ്പം ഈ നിർമ്മാണ സംരഭത്തിൽ രജപുത്ര ഫിലിംസും പങ്കാളിയാകുന്നുണ്ട്. ചിത്രത്തിന്റെ ഷൂട്ടിങ്ങ് ജൂലൈയിൽ ആരംഭിക്കും. പ്രതാപ് പോത്തന്റെ സഹോദരൻ യശ:ശരീരനായ ഹരി പോത്തന്റെ സിനിമാ നിർമ്മാണ കമ്പനിയായിരുന്നു സുപ്രിയാ ഫിലിംസ്. 1967 ൽ പുറത്തിറങ്ങിയ അശ്വമേധമായിരുന്നു സുപ്രിയാ ബാനറിന്റെ ആദ്യ ചിത്രം. നടി ശാരദയ്ക്ക് ഉർവശി പുരസ്ക്കാരം സമ്മാനിച്ച തുലാഭാരം ഉൾപ്പെടെ മുപ്പതോളം ചിത്രങ്ങൾ ഈ ബാനറിൽ നിർമ്മിച്ചിട്ടുണ്ട്. കാൽ നൂറ്റാണ്ടിനു ശേഷമുള്ള മടങ്ങി വരവിൽ ഹരി പോത്തന്റെ മക്കളാണ്‌ സുപ്രിയയ്ക്ക് ചുക്കാൻ പിടിക്കുന്നത്
