Theatre : Carnival Cinemas Kdlr Status :70% ShowTime : 10 am ട്രെയ്*ലർ കൊണ്ട് തന്നെ ചിത്രം നന്നേ ആകർഷിച്ചിരുന്നു. നല്ല ഒരു ക്വാളിറ്റി മേക്കിങ്ങുള്ള ചിത്രമായിരിക്കും എന്ന് അന്നേ ഉറപ്പിച്ചിരുന്നു. ചിത്രത്തിലേക്ക്.. ഇത് സമീറയുടെ കഥയാണ്, ഒരു സാധാരണ നേഴ്*സായ സമീറക്ക് ജീവിതത്തിൽ അഭിമുഖീകരിക്കേണ്ടി വരുന്ന പ്രശ്നങ്ങളും, അവൾ ജോലിക്കായി ഇറാഖിലേക്ക് എത്തിപ്പെടുന്നതും അവളിലൂടെ ഇന്ത്യക്ക് 19 നേഴ്*സുമാരെ ഐസിസിൽ നിന്ന് മോചിപ്പിക്കാൻ കഴിയുന്നതുമെല്ലാമാണ് ചിത്രത്തിന്റെ ഇതിവൃത്തം. സമീറയുടെ ജീവിതത്തിൽ കടന്നു പോകുന്ന ആദ്യ ഭർത്താവായി ആസിഫ് അലിയും രണ്ടാം വിവാഹം കഴിക്കുന്ന മെയിൽ നേഴ്സ് ആയി കുഞ്ചാക്കോ ബോബനും വേഷമിടുന്നു.. ഇറാഖിലെ ഇന്ത്യൻ എംബസ്സിയുടെ പ്രതിനിധിയായ മനോജായി ഫഹദ് ഫാസിലും അഭിനയിച്ചിരിക്കുന്നു. പ്രകടങ്ങൾ വിലയിരുത്തുമ്പോൾ എല്ലാവരും ഒന്നിനൊന്നു മികച്ച പ്രകടനമാണ് കാഴ്ചവെച്ചത്. പ്രത്യേകിച്ചും പാർവതി, ശെരിക്കും ഇത് പാർവതിയുടെ സമീറയുടെ കഥയാണ്. അവരാണ് ഈ ചിത്രത്തിന്റെ നട്ടെല്ല്. ചാക്കോച്ചനും തന്റെ റോൾ ഭംഗിയായി അവതരിപ്പിച്ചിട്ടുണ്ട്. ഫഹദിന് തകർക്കാനുള്ള സംഭവങ്ങൾ ഇല്ലെങ്കിലും ലുക്ക് കൊണ്ടും പ്രകടനം കൊണ്ടും നമ്മിൽ ഇഷ്ടം ജനിപ്പിക്കുന്ന കഥാപാത്രം. ആസിഫ് ഒരു ഗസ്റ്റ് റോൾ എന്നൊക്കെ പറയാവുന്ന തരത്തിൽ ഉള്ളൊരു കഥാപാത്രം ആണ്. ഷാൻ റഹ്മാന്റെ സംഗീതം ചിത്രത്തോട് ചേർന്ന് നിന്നപ്പോൾ, ഗോപി സുന്ദറിന്റെ പശ്ചാത്തലസംഗീതം മികച്ചു നിന്നു. സോനു ജോൺ വർഗീസിന്റെ മികച്ച ഛായാഗ്രഹണം. അഭിലാഷ് ബാലചന്ദ്രന്റെയും മഹേഷ് നാരായണന്റെയും നല്ല എഡിറ്റിംഗ്. ഇതെല്ലാം ചിത്രത്തിന്റെ ക്വാളിറ്റി ഉയർത്തി.ഇതിനെല്ലാം പുറമെ മഹേഷ് നാരായണൻ മികച്ച രീതിയിൽ ചിത്രം സംവിധാനം ചെയ്തിട്ടുണ്ട്.. നെഗറ്റീവ് വശം പറയുകയാണെങ്കിൽ റെസ്ക്യു മിഷൻ എന്ന രീതിയിൽ ഒരു ത്രിൽ ഫാക്ടർ ചിത്രത്തിലില്ല. ഇത് കൂടുതലും കഥാപാത്രങ്ങളുടെ വൈകാരികതയുമായി ബന്ധപ്പെട്ടാണ് കഥയുടെ സഞ്ചാരം. സിനിമാറ്റിക് ആക്കാതെ റിയാലിറ്റിയിൽ നിന്നുള്ള കഥപറച്ചിൽ ആണ്, അതുകൊണ്ടു തന്നെ അതിനെ ഒരു നെഗറ്റീവ് ആയി പറയാനാവുമോ എന്നറിയില്ല. മൊത്തത്തിൽ പറഞ്ഞാൽ നല്ല ക്വാളിറ്റി മേക്കിങ്ങും എഡിറ്റിംഗും പശ്ചാത്തലസംഗീതവും എല്ലാം തന്നെ മികച്ചു നിൽക്കുന്ന ഒരു സീരിയസ് ചിത്രമാണ് ടേക്ക് ഓഫ്.. സ്ത്രീകളേയും കുടുംബങ്ങളെയും ആകർഷിക്കുന്ന വൈകാരികതയിൽ സമ്പന്നമാണ് ഈ ചിത്രം.. ഈ ചിത്രം എന്തായാലും തീയേറ്ററിൽ തന്നെ കാണാം,അതൊരു നഷ്ടമാവില്ല.. പാർവതി അടുത്ത സ്റ്റേറ്റ് അവാർഡ് നേടിയാലും അത്ഭുതപ്പെടാനില്ല, അത്ര നാച്ചുറലായി സമീറയെ പാർവതി അവതരിപ്പിച്ചിട്ടുണ്ട്.. ടേക്ക് ഓഫ് : 3.5/5